ابو ذيات روعه حصريا 2013

يظالم لا تهيـــج جروحي خلها
وعساها تموت بعد فراك خلها
لزم ايدي الطبيب وكتله خلها
الجرح بالگلب ‍چا شلك بديه
......................................

يعلمني زماني ادروس وانسه
وآنه كضيت العمر كعدات ونسه
يحادي الضعن بالله اعليك انسه
كلي شلون انسه وتصاويره بديه
........................................

شخص البادلك بالطيب رده
مو تجفي وتروح بغيـــــر رده
شافني وركض عل باب رده
وجزات الطيب سد بابه عليه
......................................

ألف الدنيا كله وماتلفني
عنيد وغير شخصك ماتلفني
عمت عين المنية الماتلفني
لأن فركاك حيل أثر عليه
***
مريض ولاجنح عندي ومركم
وطحت بين أمر الله وأمركم
ويمتة من المرض أخلص ومركم
وأعتب على الحبيب ألي ماسئل عليه
***
أريد أكتب رسالة بحبر من دم
على العمر الكضيتة وياك مندم
شما ضحيت للطيبين مندم
أندم على الأخو الكطع بيه
***
شكثر سامع قصص لحب وقاري
وغرامك شك فراكي وقاري
ملة صبحت بفراكك وقاري
ودك ولطم هواك شعمل بية

ابو ذيات منوعه حصريا

خلص يوم الحزن وانتظر غادي
وعليك الكلب مثل الجمر غادي
باجرمن يصير حساب غادي
شتكول لربك عل السويتة بية
.
.
هوينه ومن هوينه منهوينه
غشمه وما عرفنه منهوينه
اليوافي بالمحبه منهو وينه
اذا تلكاه احضنة بين اديه
.
.
على فراكج ياعيني ضل الدمع سايل
حرت اني شدزلج من رسايل
خلصت عمري عليج مكاتيب ورسايل
نشف حبري وماظل دم بيه
.
.
وينك يل جنت اناديك بسكوت
ودمع العين يجري عليك بسكوت
والك اني الي نطيتك نستله وبسكوت
عندك ببسي وتضمه عليه
.
.
صحيح بعيد بس كلبي شعر بيك
حزين وصبح بس يكتب شعر بيك
عجيب شلون باقي أسود شعر بيك
وأنه بفركاك ما ظل شعر بيه
.
.
صرت مرهون حبك وانت راهن
وعليه ايام هجرك ون تراهن
تجي مره انتواجه وانتراهن
منو الاكثر يحب ويود اخيه
.
.
حبك بالضلــع بسمار منــدك
وحـس كلبي يسولف بيك من دك
كمت اركـــض عالنقال من دك
لان ادري العزيز اتصل بيه
.
.
وكَع كَلبي بغرامك مات شيله
وترى كَلبي التعذب مات شيله
اخابر وانت تسمع وماتشيله
وينك ياحلو بس رد عليه
.
.
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
.
.
وحك الي خلق بلكونين آلاء
مثل عين الغزالة عيون آلاء
امد ايدي عليهه اتكول اوه لاء
تأدب لا تمد ايدك عليه
.
.
هسه العتب وياك ان اوانه
وعليك الليل كله انه وانه
يالتهدد بالنفاهه انه وانه
وينك مو طبك دهري عليه
.
.
جروحي تحرشن بيه وعالن
وانه الما كاشف همومي وعالن
بحلاة النوم فز كلبي وعا لن
اخوتي وربعي اجو جتاله اليه
.
.
أشوف الظلمه بعيونك تراضه
وبالعب يوم فركاكم تراضه
عوف الزعل كافي نتراضة
ونعيد ايامنا الحلوة سوية
.
.
الكلب عاف البشر كلهم والك راد
مشة مسافر تذكركم والك رد
عرب ما طيبو علتي ولاكراد
دواية انتة يهل مبعد علية
.
.
شفت بالطيف شخصك سالماني
همت ودموع عيني سالماني
علي تسأل ياصاحب سالم اني
عزيز وشوفتك شحت عليه
.
.
يكاس العمر ماظل وشل بيك
ويجرحي لشوكت تنزف وشل بيك
تكلي ليش متمرمر وشل بيك
تهت منهو اليدلني عليه
.
.
انا الواضح والمبين ولا اخاف
وانا المارجفت جدامي ولا اخاف
وانا المانكص وزني ولاخف
اختفيت وخفت خف وزن العليه
.
.
يعلمني زماني دروس .. ونسه
وعلى حالي بجت رضعان .. ونسه
انه الجنت للخلان .. ونسه
صرت مكروه محد يمر بيه

قفشات شعريه 2013

انة الشوالي جني بدوري الابطال
شفت حسنك كبالي وصحت مــــــش ممكن

خبر فركاك حبيبي أنتشر عالفيس
وياشامت يشوفه يكول أعجبني

تتماشه ويه الروح مثل الحبيبه
كالولي هاي منين؟ كلت المصيبه

حلمت انت يمي ومتغطي وياي
ويكتل هالحلم خليتة بعماقي
ماصبرت روحي وكلت خلة يدوم
ركض ركضت عيوني وجابت اوراقي

اوف امداها الروح جي امنت بيك
وكل ما اريد انساك انسه واحاجيك


تمنين الف اصبع بهاي الايد
لان شايل ندم مو مال اعض خمسه

لان حبك صفى يتلاطم على رؤح
ومن كد الجرؤح جرؤحي مجرؤحه


لاتوصل الحينه الناس ضجت بيك
شارعنه شتكالي وزعلؤ الجيران

من انه اشوفك ماعرف شي صير
احس رؤحي تريد تصير مرجوحه


شرط من انحضن كون اكسر اضلوع
وتشك اذن الشماته ضلوعي بالطكه


تيهت ألفرح بدوله بس أغرإب _
وجنت أنا طفل بعدني ما أحجي _


تيهتك ، كبر ، عنوان مابيه
ظل طول العمر محد يزوره ''


صعب حبك علي مثل الرياضيات
أدري شلون أحبك بل براشيم

من كدما صفنت بشفتك اسنين
سألوني علة اسمي جاوبت وردي


ذكية النار عاشت رافعة الراس..
تحرك ما تجامل كان من كان ...

المبادئ والقيم ماتشمل اليشتاك
الهجر رب المذله القيم شعليه؟


كفرت كفره بغيابك هزت الكون
بحيث أبليس صاح استغفر الله

صعبه ويه التحبهم رؤحك تصيرر
مثل عصفؤرر وبحلك مصاييد


المسدس بالعشك موخوش كتال!!
كلمة راح اعوفـك بالــعشـك اقوى


على موودك الله نطااني عيؤؤن
وكل مأأ ااشووفك احمدالله

صفنتي عليك جنهأ صفنت الأيتام
اذأ شافؤ ابؤ يعايد جهاله

وك حتى رؤح بعدك فاركت الأنفاس
ودكات الكلب شكت شرايني

راح امشي على راسي النوب بلمكلؤب
والمشي العدل قررت اعؤفه

وأنت شعرفك سلمت وتعديت
ماتدري من وراك اطلكت نسؤان

انا بالشده ردتك توكف وياي
لكيت رمح بيد الحاربوني


انه حتاجيت اشمك مثل مسجون
ضل ملهوف يمتى يشم جهاله

بجيت عليك سكته مو بجي بنوح
بجي مكتول اخيه كبال عينه


اني من ابجي عليك ابجي بهدؤؤؤء
مثل الي عرست مجبؤرره


انا مخلؤق مو خالق وكول تهون
شي يغفرها سهام نابته بضلعي


بشر عادي مثلهم وخلقت اعذار
عليج الله يرؤحي خاطري اقتنعي


بتقاطع عيني الك سويت تمثال
ازدحام بعيني من كثر اليصفنون


خيبر فركت بس انه مو كرار
انه بيبان بيتي اتعاجز افتحهن


لأن حلوات كل افعالي وياك
مابيهن ملح حقك عفتني


متت صح بغيابك بس شنو الموت
يراد بغيابك شي بعد اقوى


بكل جرح منك أرتجل بيت
خصة أخر جرح سواني سياب


تدري شلون حالي من يذكروك
يطبولي بلم لو جابو اسمك


جرحي بطول خلكي شلون يراف
شما اطول ابخلكي يطول بالزايد


أفك عيني وأذاني من يمر طاريك
لأن سمعي قليل سمعت بعيوني


الاخرس الله حبه وهيج سواه
خاف يموت لمن يسمع اوداع


تعال ومن تجي لتروح للبيت
نام بجرحي صار بكد غرفتك


خيطت الشفايف خاف كلمه اطيح
شكثر شايل حجي لملكاك حظرته


اذا كلمن يموت انموت وياه
مو بيد الله يعني الموت علواهس


جرحني ولك بس كون ما موت
خاطر من يتهمونك اني ابريك


عرس صار العشك عندك يبطران
كل فتره وكمت واحد تعزمه


مع تحاتي

اخوكم سامي العبودي